דער רבי ר' אלימלך זי"ע און די "אדרבה" תפילה

דער הייליגער רבי ר' אלימלך פון ליזענסק, דער "נועם אלימלך", איז געווען איינער פון די גרעסטע צדיקים. טויזנטער אידן זענען געקומען צו אים, און ער האט יעדן איינעם ליב געהאט.

דער רבי ר' אלימלך האט אונז איבערגעלאזט א ספעציעלע תפילה, וואס אסאך אידן זאגן נאך היינט פאר'ן דאווענען. אין דער תפילה בעטן מיר:

"אדרבה, תן בלבנו שנראה כל אחד מעלת חברינו ולא חסרונם": רבונו של עולם, העלף מיר אז איך זאל זען ביי יעדן חבר זיינע גוטע זאכן, און נישט זיינע חסרונות.

פרוביר היינט: זוך ביי יעדן חבר אין קלאס איין שיינע זאך. אפשר טיילט ער זיך גערן? אפשר העלפט זי שטענדיג? אזוי טוסטו פונקט וואס דער רבי ר' אלימלך האט אונז געלערנט!

על פי דעת רבנים: די בלעטלעך זענען נאר פאר אייער אייגענעם קלאס. ס'איז אסור זיי ווייטער צו שיקן, קאפירן אדער געבן פאר אנדערע.